| |
In Wimbern ob diärn Schüttenfest
|
| |
In Wimbern ob diärn Schüttenfest
doo was de Stimmung allerbest.
De Mensken harren viel Pläsoier
unn drünken manchet Pöttken Boier.
|
Säu üm elfe dann Geblitze unn Geknalle
Dää - duister is de Schüttenhalle.
Et gaff en fürchterlich Düöroin
kost keine Hand vüör Äugen seihn.
|
Dai Musikkiärls samt Messter "Hille"
dai sind op einmoal äuk fast stille,
man häört bläus noh de Pauke goohn
dai kann me ohne Näuten schlaon.
|
Dai Frauluie da sind am schriggen
im Duistern lätt sick biätter friggen.
Föör jungen Luie doch ganz schoin
ob em Schüttenfeste säun Düöroin.
|
Nä, nä - dat is doch nit mal schlecht
säon Fest de fuiern ohne Lecht.
Säu kann me wirklich nix de tau
wenn me verluiset de eigene Frau.
|
Diäm ober kannste äuk nitt winken
mass annerer Luie Boier drinken,
me kann sick kribbeldicke siupen
un üöwer Disk un Bänke kriupen.
|
Et giett im Liäwen dumme Saaken
do kann me sick äuk Spaß met maaken.
Fäör manchen wass dat mol ganz schoin
böim Schüttenfeste säun Düöroin.
|
| |
| zurück
|