|
Äimoal ess män Schüttenspiel
|
|
Bius! - Datt was de äiste Schuß!
Frau, goah haal de Müske.
Met de Arbet ess niu Schluß.
Buter bei de Fischke!
|
Breng diän gudden Anzug met
Un dat Schemisättken
Wäiß joa, boa fei alles hett,
Jäides Dütt un Dättken.
|
Mak di öuk en bieken fein,
As in fröggeren Joahren.
Loatt diän Bessem Bessem sein
Un diän Goaren Goaren!
|
Düse Dage hoaht fei Poal,
Loatt't de Dalers rollen.
Doafüör iätt't fein'n annermoal
Maus met dünne Knollen.
|
Oaber düse kuotte Teit
Wött fei fröuh genaiten.
Sint de Dage moal woutt häit,
Maut me iäben gaiten.
|
Äimoal ess män Schüttenspiel.
Fatt met alle Suorgen!
Äimoal, datt ess nit teviel,
Blöuß bit Mondag muorgen.
|
Theo Ellbracht
|
|
zurück
|